خانیوال (نمائندہ خصوصی،نامہ نگار )ڈپٹی کمشنر آغا ظہیر عباس شیرازی نے اچانک کبیروالا کا دورہ کرکے ترقیاتی منصوبوں پر کام کی رفتار،کورونا ویکسینیشن سنٹر کا تفصیلی معائنہ کیا-انہوں نے تحصیل کونسل میں خدمت آپکی دہلیز پر مہم، سرکاری وصولیوں، کورونا ویکسینیشن بارے میٹنگ کی صدارت بھی کی-اس موقع پر اے سی کبیروالا خرم حمید،ڈی ڈی ڈویلپمنٹ شاہد رحمن،ایم ایس ٹی ایچ کیو ہسپتال ڈاکٹر عمارہ  بھی موجود تھیں-ڈپٹی کمشنر نے تعمیراتی محکموں کو  لیڈیز پارک کا  کام 10 جون، سپورٹس کمپلیکس منصوبہ 30 جون تک مکمل کرنے کی ڈیڈ لائن دی-انہوں نے واضح کیا کہ منصوبہ جات میں ناقص میٹریل کا استعمال کسی صورت برداشت نہیں کیا جائیگا-انہوں نے بستی غریب آباد، حسین آباد میں اربن سوریج منصوبہ کے تحت ٹف ٹائلز کے کام کا بھی چیک کیا- انہوں نے میونسپل کمیٹی، تحصیل کونسل حکام کو خدمت آپکی دہلیز پر پروگرام کے دوسرے مرحلہ کا کام تیز کرنے  کرنے کی بھی  ہدایت کی۔-قبل ازیں ڈپٹی کمشنر نے کورونا ویکسینیشن سنٹر رورل ہیلتھ سنٹر کا بھی اچانک معائنہ کیا-