پی ایس ایل6: اسلام آباد یونائیٹڈ کا لاہور قلندرز کو جیت کیلیے144 رنزکا ہدف

ابوظبی: پی ایس ایل 6 کے 15ویں میچ میں اسلام آباد یونائیٹڈ نے لاہور قلندرز کو جیت کے لے 144 رنز کا ہدف دے دیا۔تفصیلات کے مطابق اسلام آباد نے مقررہ اوورز میں 9 وکٹوں کے نقصان پر 143 رنز بنائے اور لاہور قلندرز کو جیت کے لیے 144 رنز کا ہدف دیا، جیمز فالکنر نے تین کھلاڑیوں کو پویلین کی راہ دکھائی۔لاہور قلندرز کے کپتان نے بتایا کہ ان کی ٹیم میں 4 غیرملکی کھلاڑی بین ڈنک ، راشد خان ، جیمز فولکنراورٹم ڈیوڈ شامل ہیں۔ لاہور قلندرز میں کپتان سہیل اختر ، فخرزمان ،محمد حفیظ ، محمد فیضان، احمد دانیال،شاہین آفریدی ، حارث رؤف ، بین ڈنک ، راشد خان ، جیمز فولکنر اور ٹم ڈیوڈ شامل ہیں۔ اسلام آباد یونائیٹڈ کے کپتان شاداب خان کا کہنا تھا کہ ٹیم میں عثمان خواجہ ، کولن منرو اور فواداحمد تین انٹرنیشنل کھلاڑی ٹیم میں شامل ہیں، عثمان خواجہ کی اسلام آباد کی نمائندگی پر خوشی ہے۔