کراچی کی ایمبولینسوں سے مریضوں کے بجائے ڈاکو نکلنے لگے

کراچی (نیوز رپورٹر) کراچی کے پوش علاقے کلفٹن میں ایمبولینس میں سوار کلاشنکوف بردار ڈکیت پھل فروش سے رقم چھین کر فرار ہو گیا ۔ موٹر سائیکلوں اور گاڑیوں کے بعد کراچی کی ایمبولینسز سے بھی اب مریضوں کے بجائے مسلح ڈاکو نکلنے لگے ہیں ۔ کلفٹن میں ایمبولینس میں سوار ملزمان بڑے ہتھیار کے ساتھ پھل فروش کو لوٹ کر فرارہوگئے۔تین جون کی دوپہر 12 بج بجکر 20 منٹ پر لٹیروں نے مسیحاو¿ں کا روپ دھارکر کلفٹن میں واردات کی ۔ کلاشنکوف تھامے ایک ڈاکو دن دہاڑے ایمبولینس سے اترا اورسڑک کی دوسری طرف کھڑے پھل فروش سے رقم چھین کر اطمینان سے ایمبولینس میں بیٹھ کر فرار ہو گیا۔ واردات کی سی سی ٹی وی فوٹیج سامنے آنے پر پولیس نے پھل فروش کی رپورٹ درج کرکے تحقیقات شروع کردی ہیں۔
ایمبولینس ڈاکو