حافظ آباد(نمائندہ نوائے وقت+نمائندہ خصوصی)حافظ آباد کے بجلی محلہ میں گلی ٹال والی میں گٹروں اور نالیوں کے ابلنے سے گندا پانی کھڑا ہو گیا جس کی وجہ سے علاقہ مکینوں کا گھروں سے باہرنکلنا محال ہوگیا۔ علاقہ مکین میونسپل کمیٹی کے عملہ و افسران کی غفلت پر سراپا احتجاج بن گئے ۔ علاقہ مکینوں نے محمد طفیل کاہلوں کی قیادت میں شدید احتجاج کرتے ہوئے کہا کہ انکی گلی میں گذشتہ کئی ماہ سے کوئی بھی خاکروب نہ آرہا ہے جس کی وجہ سے گلی جوہڑ میں تبدیل ہوچکی ہے اور علاقہ مکین گھروں میں محبوس ہوکر رہ گئے ہیں ۔ علاقہ مکینوںنے ڈپٹی کمشنر اور ایڈمنسٹریٹر امتیاز بیگ سے مطالبہ کیا کہ گلی ٹال والی میں فوری طور پر صفائی ستھرائی کرواکے انکی مشکلات کااذالہ کیا جائے۔