لاہور ( سپورٹس رپورٹر) ایشین چیمپئنز ٹرافی میں حصہ لینے والی قومی ہاکی ٹیم کے بھارتی ویزا کیلئے آن لائن اپلائی کردیا گیا۔پاکستان ہاکی فیڈریشن حکام کے مطابق ایشین ہاکی چیمپئنز ٹرافی بہت اہم ایونٹ ہے، عدم شرکت سے بہت نقصان ہوگا، اس لئے بھارتی ویزوں کے حصول کیلئے کام شروع کردیا ہے۔آن لائن اپلائی کرنے کے بعد چند ضروری دستاویزات کے حصول کے بعد اگلے ہفتے تک باقاعدہ ویزا درخواستیں بھی جمع کروادی جائیں گی جبکہ پاکستانی ٹیم کو بھارت جانے کیلئے حکومتی این او سی کا انتظار ہے۔