انسپکٹر بننے والے افسران کے اعزاز میں سنٹرل پولیس آفس میں تقریب

لاہور(نامہ نگار)انسپکٹر جنرل پولیس پنجاب ڈاکٹر عثمان انور کی جانب سے حال ہی میں انسپکٹر رینک پر پرموٹ افسران کے اعزاز میں سنٹرل پولیس آفس میں خصوصی تقریب منعقد کی گئی۔ آئی جی پنجاب اور دیگر سینئر پولیس افسران نے لاہور سمیت مختلف اضلاع میں ترقی پانے والے 30 انسپکٹرز کو نئے عہدے کے رینک لگائے۔تقریب میں ترقی پانے والے پولیس افسران کے اہل خانہ کو خصوصی طور پر مدعو کیا گیا تھا۔