چترال: گاڑی کھائی میں جا گری، بچوں سمیت،6 افراد جاں بحق : 19 زخمی 

چترال (نیٹ نیوز) ڈبل کیبن گاڑی کھائی میں گرنے سے 6 افراد جاں بحق اور 19 زخمی ہوگئے۔ دیر سے دمیل نسار لوئر چترال جانے والی ڈبل کیبن ڈاٹس گاڑی چھانگول عشریت کے مقام پر کھائی میں جاگری جس کے سبب تین خواتین اور تین بچے جاں بحق ہوگئے۔پولیس کے مطابق ڈاٹسن میں پچیس افراد سوار تھے جو دیر سے چترال دمیل آرہے تھے کہ گاڑی عشریت میں گہری کھائی میں جاگری، حادثے میں 19 افراد زخمی بھی ہوئے۔ نعشوں اور زخمیوں کو تحصیل ہیڈ کوارٹر ہسپتال دروش چترال پہنچا دیا گیا ہے۔ امدادی ادارے ریسکیو 112 کے مطابق بعض زخمیوں کی حالت نازک ہے جس کے سبب مرنے والوں کی تعداد میں اضافے کا خدشہ ہے۔
چترال حادثہ، 6 جاں بحق