لاہور(سپورٹس رپورٹر)پاکستان کیخلاف میچ سے قبل بھارتی کپتان روہت شرما نے کہا ہے کہ بیٹرز اور بائولرز کو پاکستان کیخلاف میچ کا پلان دیدیا ہے۔ پچ یا کنڈیشنز الگ معاملہ ہے، ٹیم کیلئے اچھی کرکٹ کھیلنا اہم ہے۔  ٹیم تجربہ کار  پہلے مقابلے کی طرح ہی سوچ رہے ہیں، ایک دو کھلاڑی نہیں بلکہ ٹیم کے تمام کھلاڑیوں کو کردار ادا کرنا ہوگا۔ویرات کوہلی کا پہلا میچ اچھا نہیں رہا لیکن وہ تجربہ کار بیٹر ہیں۔ یہ نہیں سوچ سکتے کہ پچھلا میچ پاکستان ہارا تو یہ بھی ہار سکتا ہے۔ ٹی ٹونٹی میں صورتحال بدل جاتی ہے، پاکستان گزشتہ ایونٹ میں زمبابوے سے ہارنے کے بعد بھی فائنل کھیلا تھا۔ پچ جیسی ہو، سامنا کسی سے بھی ہو، ہمیں اپنی بہترین کرکٹ کھیلنا ہے۔ پاکستان کیخلاف میچ کیلئے گیم پلان پر بات ہوئی ہے، صورتحال کے مطابق ہی کرکٹ کھیلیں گے۔ یہاں ہر اوور میں گیم تبدیل ہوتا ہے، اس لیے زیادہ آگے کی نہیں سوچتے۔ پاکستان ٹیم یقینی طور پر اپنی غلطی کا تجزیہ کرکے آئیگی۔ کبھی اچھے آغاز کے بعد بھی ٹیمیں لڑکھڑا جاتی ہیں۔ نیویارک میں دونوں ٹیم کیلئے یکساں کنڈیشنز اور موقع ہوگا۔ نیو یارک ہمارا ہوم گراؤنڈ نہیں جو اچھا کھیلے گا وہ جیتے گا۔ وکٹ کیسا ہوگا یہ ہم کو نہیں معلوم، یہاں بال پر باؤنڈری اور چھکے نہیں ملتے، بھاگ کر رن لینا اہم ہوگا۔ ٹی ٹونٹی میں ہر ٹیم کسی بھی ٹیم کو ہرانے کی صلاحیت رکھتی ہے۔ آپ یہ سوچ کر نہیں آسکتے کہ اس حریف کو آسانی سے ہرا دیں گے۔ میچ میں مثبت انرجی رکھنا کافی ضروری ہے۔