کوہلی، روہت کو اپنا بھائی سمجھو! شاہین کو بھارتی شائقین نے گھیر لیا

لاہور(سپورٹس رپورٹر )قومی ٹیم کے فاسٹ بائولر شاہین شاہ آفریدی کو نیویارک میں بھارتی شائقین نے گھیر لیا۔سماجی رابطے کی سائٹ ایکس (ٹوئٹر) پر تصاویر وائرل ہورہی ہیں جس میں دیکھا جاسکتا ہے کہ شاہین آفریدی ہوٹل کے باہر بھارتی فینز کے درمیان موجود ہیں، جہاں وہ ان سے گپ شپ کرتے بھی دکھائی دے رہے ہیں۔فینز میں سے ایک شائق یہ کہتا سنائی دے رہا ہے کہ آپکی وجہ سے یہاں میچ دیکھنے آیا، روہت اور ویرات کو اپنا دوست سمجھو! انہیں بالکل اچھی بائولنگ نہیں کرنی ہے۔بھارتی مداح شاہین کیساتھ ہنسی مذاق کرتے نظر آئے جس پر کرکٹر نے بھی انہیں جواب دیئے جبکہ تصاویر اور ویڈیوز بھی بنوائیں۔