اسلام آباد (اپنے سٹاف رپورٹر سے) سیکرٹری جنرل تحریک انصاف و اپوزیشن لیڈر عمر ایوب نے ٹویٹ میں کہا ہے کہ بانی پی ٹی آئی عمران خان نے قومی اسمبلی میں پارلیمانی لیڈر اور ڈپٹی پارلیمانی لیڈر کے عہدوں کے لیے ایم این ایز کو نامزد کر دیا۔ زرتاج گل کو قومی اسمبلی میں سنی اتحاد کونسل کا پارلیمانی لیڈر نامزد کر دیا گیا۔ عمر ایوب نے کہا کہ زین قریشی اور احمد چٹھہ قومی اسمبلی میں ڈپٹی پارلیمانی لیڈر کے طور پر نامزد کر دئیے گئے۔