امریکی سفیر ڈونلڈ بلوم کراچی فوڈ سٹریٹ پہنچ گئے‘ پاکستانی کھانوں کی تعریف

کراچی (نوائے وقت رپورٹ) یو ایس ایمبیسڈر ڈونلڈ بلوم کی کراچی میں برنس روڈ آمد ہوئی، ڈونلڈ بلوم برنس روڈ فوڈ سٹریٹ پر مزیدار پاکستانی کھانوں کے فین ہو گئے۔ ڈونلڈ بلوم نے باربی کیو، ربڑی فالودہ اور کڑک چائے پی، ڈونلڈ بلوم نے سوشل میڈیا پر جاری ویڈیو میں "مزیدار" اور "کڑک چائے" کہہ کر اْردو زبان میں کھانوں کی تعریف کی۔ ڈونلڈ بلوم نے کہا کہ یہاں کے کھانے بے حد لذیز ہیں، اتنے مزیدار کھانوں کو پہلے نہیں جانتا تھا، کراچی میں سیٹل ہونے کا فیصلہ کر لیا ہے۔