پاکستان اور بھارت کے درمیان آئی سی سی ٹی 20 ورلڈ کپ کے ہائی وولٹیج ٹاکرے سے قبل قومی ٹیم کیلئے بری خبر آگئی،آل راؤنڈر شاداب خان بھی انجری کا شکار ہوگئے، جس کے باعث ان کی بھارت کے خلاف میچ میں شرکت مشکوک ہوگئی۔تفصیلات کے مطابق پاکستان اور بھارت میچ سے قبل بری خبر ہے کہ شاداب خان بھی ان فٹ ہوگئے۔
ذرائع کے مطابق شاداب خان پریکٹس سیشن کے دوران کمر درد میں مبتلا ہوگئے، جس کے باعث ان کی بھارت کے خلاف ہائی وولٹیج میچ میں شرکت مشکوک ہوگئی۔ذرائع کا کہنا ہے کہ شاداب خان کی جگہ صائم ایوب کو شامل کرنے پر غور جاری ہے جبکہ امریکا کے خلاف صفر پر آؤٹ ہونے والے مڈل آرڈر بیٹر اعظم خان بھارت کے خلاف میچ سے آؤٹ ہوگئے جبکہ عماد وسیم کو اعظم خان کی جگہ ٹیم میں جگہ ملے گی۔ذرائع کے مطابق بھارت کے خلاف پاکستان کے 11 کھلاڑیوں میں کپتان بابر اعظم، محمد رضوان، عثمان خان، فخر زمان، افتخار احمد، شاداب خان، عماد وسیم، شاہین آفریدی، حارث رؤف، محمد عامر اور نسیم شاہ شامل ہیں۔