جھبراں (نامہ نگار) نواحی نہر پر تصویریں بناتے ہوئے آٹھویں کلاس کا طالب علم نہر میں گر کر جاں بحق ہو گیا۔ آبادی علی پور مشمولہ تھیڑیاں کا اسد علی ولد سخی محمد انصاری جو آٹھویں کلاس کا طالب علم تھا اور کھاریانوالہ میں لاہور بورڈ کی طرف سے ہونے والے سالانہ امتحانات کے سلسلہ میں پیپر دیکروا پس آیا اور اپنے ایک دوست کے ہمراہ نواں کوٹ کے نواح سے گزرنے والی نہر قادر آباد لنک کینال کے قریب اپنے موبائل سے تصویریں بنانے لگے، اس دوران پائوں پھسل جانے کی وجہ سے اسد علی نہر میں گر کر ڈوب گیا۔ ریسکیو 1122 کے عملہ نے نعش کی تلاش کیلئے بھرپور جدو جہد کی مگر رات گئے تک تلاش کے باوجود نعش نہ مل سکی۔