اسلام آباد (وقائع نگار خصوصی+ ایجنسیاں)آرمی چیف جنرل راحیل شریف کی قیادت میں پاک فوج دہشت گردی کے خلاف جنگ میں کامیابیوں کا سلسلہ جاری رکھے ہوئے ہے۔ اسکے اعتراف میں آرمی چیف کو استنبول ایوارڈ سے نوازنے کا اعلان کیاگیا ہے۔ آرمی چیف جنرل راحیل شریف کو یہ ایوارڈ ایوان صدر میں ہونیوالی چھٹی مسلم ممالک تھنک ٹینکس فورم کی تقریب میں دیا گیا۔ استنبول ایوارڈ دہشت گردی کیخلاف پاک فوج کی بے مثال کامیابیوں آرمی چیف جنرل راحیل شریف کی قائدانہ صلاحیتوں کے اعتراف میں دیا گیا ہے۔ آرمی چیف کو دہشت گردی کے خاتمہ کیلئے جرا¿تمندانہ اقدامات کے اعتراف میں مسلم ممالک کے چھٹے تھنک ٹیکس فورم نے اعزاز سے نوازا ہے۔ صدر ممنون حسین نے بطور مہمان خصوصی اسلامک ورلڈ استنبول ایوارڈز میں مسلم ممالک سے تعلق رکھنے والی مختلف شعبہ ہائے زندگی میں نمایاں خدمات سرانجام دینے والوں میں ایوارڈز تقسیم کئے۔ آرمی چیف جنرل راحیل شریف کو دہشت گردی کے خلاف جنگ کے حوالے سے ایوارڈ دیا گیا۔
آرمی چیف ایوارڈ