پاکستان نے 2750 کلومیٹر تک مار کرنے والے شاہین تھری بلیسٹک میزائل کا کامیاب تجربہ کرلیا

  آئی ایس پی آر کےمطابق شاہین تھری بلیسٹک میزائل روایتی اور نیوکلیئر ہتھیار لے جانے کی صلاحیت رکھتا ہے اور دو ہزار سات سو پچاس کلومیٹر تک اپنے ہدف کو کامیابی سے نشانہ بنانے کی صلاحیت رکھتا ہے،شاہین تھری میزائل کا تجربہ بحیرہ عرب میں کیا گیا،اس موقع پر ڈی جی سٹرٹیجک پلان ڈویژن لیفٹننٹ جنرل زبیر حیات بھی موجود تھے،انہوں نے کامیاب تجربے پر سائنسدانوں اور انجینئرز کو مبارکباد دی اورتجربے کو پاکستان کی دفاعی صلاحیت کو مضبوط بنانے کی طرف اہم قدم قرار دیا ،انہوں نے سٹرٹیجک کمانڈ اینڈ کنٹرول سسٹم اور سٹرٹیجک فورسز کی صلاحیت پر بھرپور اعتماد کا اظہار کیا،شاہین تھری کے کامیاب تجربے پر صدر اور وزیر اعظم نے بھی سائنسدانوں اور انجینئرزکو مبارکباد دی ہے۔