اسلام آباد ( نوائے وقت رپورٹ) پیپلزپارٹی آزاد کشمیر کے نائب صدر اور سابق وزیر عبدالسلام بٹ انتقال کر گئے ، عبدالسلام بٹ فیملی کے ہمراہ عمرہ کی ادائیگی کیلئے سعودی عرب گئے تھے جہاں دل کا دورہ پڑنے سے انتقال کر گئے، مرحوم کی تدفین مکہ مکرمہ کے قبرستان میں کر دی گئی۔ چیئرمین پی پی بلاول بھٹو نے عبدالسلام بٹ کے انتقال پر اظہار افسوس اورکہا پی پی ایک اہم ترین رہنما و کارکن سے محروم ہوگئی۔