نیوکراچی میں اسکولوں کے اطراف کوڑاکرکٹ صاف کردیاگیا

کراچی(خبر نگار)میونسپل کمشنر بلدیہ وسطی ڈاکٹر سید محمد علی زیدی نے نیو کراچی زون سیکٹر 5-J میں اسکولوں کے اطراف کوڑا کرکٹ جمع ہونے اور صفائی کے ناقص انتظام کی شکایت ملنے پر بلدیہ وسطی کے سینی ٹیشن ڈیپارٹمنٹ سے اظہار برہمی کرتے ہوئے تنبیہ کی ہے کہ ضلع وسطی میں مساجد،امام بارگاہ اور اسکولوں کے اطراف صفائی کے نظام کو بہتر کیا جائے اوعوامی اجتماع کی جگہوں کے اطراف ر کسی بھی صورت میں کوڑا کرکٹ جمع نہ ہونے دیا جائے انہوں نے اپنی نگرانی میں نیو کراچی سیکٹر 5-J میں قائم اسکول کے اطراف سے سینٹری ڈپارٹمنٹ کے ذریعے کچرے کے ڈھیروں کا صفایا کروایاتا کہ طلبا و طالبات کو ایسے تعفن زدہ ماحول سے بچایا جاسکے۔