کراچی (اسپورٹس رپورٹر )پہلا لیوک فرنانڈس میموریل منارٹی تھری ایکس تھری باسکٹ بال ٹورنامنٹ اولڈ اسکول کلب نے مون اسٹار کلب کو 10-17 پوائنٹس سے شکست دیکر جیت لیا اس موقع پر شمسی اسپورٹس اکیڈیمی کے چیئر مین خالد جمیل شمسی مہمان خصوصی تھے جنہوں نے کھلاڑیوں میں بیش قیمت انعامات تقسیم کئے اس موقع پر غلام محمد خان ،طارق حسین اور دیگر موجود تھے خالد جمیل شمسی نے اس موقع پر اعلان کیاکہ اگلاٹورنامنٹ شمسی اسپورٹس اکیڈیمی اسپانسر کرے گی اور اگر حکومت سندھ کراچی میں زمین دے دے تووہ ایک ٹینس اکیڈیمی اور باسکٹ بال کورٹ اپنے ادارے سے تعمیر کرینگے  اس موقع پر کیتھولک کراچی کے پروکریٹرجانسن لیویوگرڈلینونے کے بی بی اے کا شکریہ ادا کیا۔