لاہور(نمائندہ سپورٹس) خواتین کے عالمی دن کے موقع پر پاکستان ہاکی فیڈریشن کے وومن ونگ کی جنرل مینجر تنزیلہ عامر چیمہ نے ڈی جی سپورٹس پنجاب عدنان ارشد اولکھ سے ملاقات کی ہے۔ ملاقات میں خواتین کے عالمی دن کے موقع پرخواتین کھلاڑیوں کے حوالے سے تبادلہ خیال کیا گیا۔ اس موقع پر ڈی سپورٹس کا کہنا تھا کہ سپورٹس بورڈ پنجاب انٹر ڈویڑن وومن ہاکی چیمپئن شپ منعقد کرائے گا۔ خواتین کھلاڑی   بہترین کارکردگی کا مظاہرہ کررہی ہیں۔ ہم تمام مقابلوں میں خواتین کھلاڑیوں کو بھی مواقع دے رہے ہیں۔ تنزیلہ عامر چیمہ کا کہنا تھا کہ سپورٹس بورڈ پنجاب خواتین کھلاڑیوں کی حوصلہ افزائی کررہا ہے۔خواتین کھلاڑیوں کو سہولیات دینے پر  سپورٹس بورڈ پنجاب کے مشکور ہیں۔سپورٹس بورڈ پنجا ب وومن انٹر ڈویڑن ہاکی چیمپئن شپ سے نیا ٹیلنٹ سامنے آئیگا۔خواتین سپورٹس میں بھرپور حصہ لے رہی ہیں۔ یوم خواتین کے موقع پر خواتین کھلاڑیوں کو پیغام ہے کہ وہ آگے بڑھیں۔