اسلام آباد(اے پی پی) اسلام آباد فٹ بال چیلنج کپ ٹورنامنٹ کے پری کوارٹر فائنل مقابلے آج سے ٹی اینڈ ٹی فٹ بال گرائونڈ میں کھیلے جائیں گے۔ پہلے پری کوارٹر فائنل ایلیٹ کلب اور آزاد جموں و کشمیر کلب کی ٹیموں کے درمیان سہہ پہر تین بجے کھیلاجائے گا۔ چیئرمین آرگنائزنگ کمیٹی سید شرافت حسین بخاری نے بتایاکہ ٹورنامنٹ کے کوالیفائنگ رانڈ میں اسلام آباد کی بہترین 28 ٹیموں نے حصہ لیا جن کو آٹھ گروپوں میں تقسیم کیا گیا ہے اور ہر گروپ سے دو، دو ٹیموں نے پری کوارٹر فائنل کے لئے کوالیفائی کیا۔