گوگل کا ڈوڈل تبدیل کرکے  خواتین کو خراج تحسین

نیویارک (این این آئی )گوگل نے بھی خواتین کے عالمی دن کے موقع پر انہیں خراج تحسین پیش کیا ہے۔غیرملکی خبررساں ادارے کے مطابق خواتین کے عالمی دن کے موقع پر دنیا بھر میں سمینارز اور پروگرامز کا انعقاد کیا گیا جس میں خواتین کی اہمیت اور صنفی مساوات کو اجاگر کیا  گیا۔عالمی دن کی مناسبت سے سرچ انجن گوگل نے بھی ہر شعبے میں اپنی صلاحیتوں کا لوہا منوانے والی خواتین کو خراج تحسین پیش کیا ۔گوگل نے خواتین کے عالمی دن کے موقع پر اپنا ڈوڈل تبدیل کرکے خواتین کے نام  کر دیا۔