وسیم خان کی بابر اعظم اورمصباح الحق سے الگ الگ ملاقات

دورہ جنوبی افریقا کے لیے قومی ٹیم میں سینئر آل رائونڈر محمد حفیظ اور سپنر عماد وسیم کی سکواڈ میں واپسی کا قوی امکان ہے۔تفصیلات کے مطابق پاکستان کے دورہ جنوبی افریقہ کیلئے چیف ایگزیکٹو پاکستان کرکٹ بورڈ (پی سی بی)وسیم خان نے قومی ٹیم کے کپتان بابر اعظم اور ہیڈکوچ مصباح الحق سے سے الگ الگ ملاقات کی۔ذرائع کا کہنا ہے کہ ملاقات کے دوران وسیم خان نے کپتان بابر اعظم اور ہیڈ کوچ مصباح الحق سے دورہ جنوبی افریقا کے حوالے سے مشاورت کی۔ذرائع کے مطابق پی سی بی عہدیداران کا ورچوئل اجلاس بھی مکمل ہو گیا جبکہ پروٹیز کے خلاف قومی ٹیم کا اعلان دو روز میں کیا جائے گا جبکہ محمد حفیظ، عماد وسیم کی سکواڈ میں واپسی کا قوی امکان ہے۔پاکستانی کرکٹ ٹیم نے دورہ جنوبی افریقا کے تین ون ڈے اور چار ٹی ٹونٹی کھیلنے ہیں۔شیڈول کے مطابق پاکستان اور جنوبی افریقا کے درمیان پہلا میچ دو اپریل کو سنچورین میں ہو گا، دوسرا ٹی ٹونٹی جوہانسبرگ میں چار تاریخ کو کھیلا جائے گا۔دونوں ٹیموں کے درمیان پہلا ٹی ٹونٹی دس اپریل کو جوہانسبرگ میں کھیلا جائے گا، دیگر میچز 12 اپریل، 14 اپریل اور 16 اپریل کو بالترتیب جوہانسبرگ، سنچورین میں کھیلے  جائیں گے۔