موٹر سائیکل سے  گرکر4 سالہ بچہ جاں بحق‘ ماں لہولہان

دریا خان مری / ہالانی(نامہ نگاران  )دریا خان مری میں نصرت کینال پل پر  موٹر سائیکل کے ٹائر میں خاتون کا برقعہ پھنس جانے کے سبب حادثہ جس کی وجہ سے ماں کی گود میں بیٹھا 4 سالہ بچہ کامران علی ولد اصغر علی مری موٹرسائیکل سے گرکر موقع پر ہی جاں بحق ہوگیا جبکہ بچے کی والدہ شدید زخمی ہوگئی جاں بحق ہونے 4 سالہ بچے کی لاش اور زخمی عورت کو دریاخان مری اسپتال لایا گیا جہاں پر ڈاکٹر نے 4 سالہ کامران علی مری کے فوت ہونے کی تصدیق کردی لاش کو گائوں محمود مری بھیج دیا گیا  لاش گھر پہنچنے پر کہرام مچ گیا جبکہ شدید زخمی عورت کو نازک حالت میں نواب شاہ روانہ کردیا گیا  ۔ہالانی سے نامہ نگار کے مطابق کنڈیارو کے رہائشی نوجوان کے اغوا کا خدشہ، کار لاوارث حاصل میں برآمد، کار پرگولیوں کے نشانات ہیں، شہباز کالونی کنڈیارو کا رہائشی عبد الحفیظ قریشی مبینہ طور پر گم ہوگیا ہے، ورثاء  کے مطابق نوجوان صبح کار سمیت گھر سے نکلا تھا اب پولیس نے انکی کار ملنے کی اطلاع دی ہے لیکن عبد الحفیظ قریشی کا کچھ پتہ نہیں اور نہ ہی ہمارا اس سے رابطہ ہو رہا ہے ہمیں شک ہے کہ انہیں اغوا کر لیا گیا ہے، کنڈیارو پولیس کے مطابق عبد الحفیظ قریشی کی کار قومی شاہراہ کے قریب ایک باغ سے ملی ہے جس پر گولیوں کے نشانات ہیں خدشہ ہے کہ نوجوان کو زبردستی روک کر اغوا کیا گیا ہے تاہم پولیس مزید تفتیش کر رہی ہے۔