پاک بحریہ کے سربراہ ایڈمرل محمد امجد خان نیازی کی جانب سے سعودی عرب کا سرکاری دورہ کیا گیا ہے۔
ترجمان پاک بحریہ کے مطابق سربراہ پاک بحریہ کا سعودی عرب کے سرکاری دورے کے دوران کمانڈر رائل سعودی نیول فورسز اور دیگر عسکری حکام سے اہم ملاقاتیں کی ہیں۔ترجمان کا کہنا ہے کہ نیول چیف نے سعودی وزارت دفاع کی جانب سے منعقدہ عالمی دفاعی نمائش میں خصوصی شرکت کی اور امریکی سینٹرل نیول کمانڈ کے سربراہ سے بھی ملاقات کی ہے۔ترجمان نے بتایا ہے کہ ملاقاتوں کے دوران باہمی دلچسپی کے امور اور دو طرفہ بحری تعاون پر تبادلہ خیال کرتے ہوئے میزبان حکام نے خطے میں بحری امن و استحکام کیلئے پاک بحریہ کی کاوشوں کو سراہا ہے۔
ترجمان پاک بحریہ کا کہنا ہے کہ سربراہ پاک بحریہ کا سعودی عرب کا یہ دورہ دونوں ممالک کے مابین تعلقات کو مزید فروغ دے گا۔