صرف یہ اسمبلی نہیں، پاکستان کا ہر شہر اور گاوں اپنے وزیراعظم پر ناز کرتا ہے، وزیر توانائی
وفاقی وزیر برائے توانائی حماد اظہر نے کہا ہے کہ گزشتہ دو ہفتوں سے وزیر اعظم عمران خان کی مقبولیت میں بے پناہ اضافہ ہوا ہے۔ حماد اظہر نے ٹوئٹر پر جاری ایک پیغام میں کہا ہے کہ پچھلے دو ہفتوں سے وزیر اعظم عمران خان کی مقبولیت میں بے پناہ اضافہ ہوا ہے۔ انہوں نے کہا کہ عوام کو واضح نظر آیا ہے کہ کون اپنے ملک کے وقار اور بہتر مستقبل کے لیے کھڑا ہے اور کون اپنی دولت بچانے کی خاطر سازش کر رہا ہے۔ حماد اظہر نے کہا ہے کہ صرف یہ اسمبلی نہیں، پاکستان کا ہر شہر اور گاوں اپنے وزیراعظم پر ناز کرتا ہے۔