پشاور (نوائے وقت رپورٹ) پشاور میں ماچس بنانے والی فیکٹری میں دھماکے کے نتیجے میں 2 افراد جاں بحق ہوگئے۔ پولیس کے مطابق حیات آباد میں ماچس بنانے والی فیکٹری میں دھماکا ہوا۔ پولیس نے بتایا کہ دھماکے میں 2 افراد جاں بحق ہوئے اور فیکٹری کی چھت کو نقصان پہنچا ہے۔ ریسکیو حکام کے مطابق انڈسٹریل اسٹیٹ میں پرانی ماچس کی بند فیکٹری میں صفائی کے دوران دھماکہ ہوا اور چھت گرگئی۔ ہسپتال انتظامیہ نے کہا ہے کہ دو نعشیں حیات آباد میڈیکل کمپلیکس منتقل کی گئی ہیں۔