محنتی ‘ فرض شناس پولیس افسر و اہلکار محکمے کا فخر ہیں:ڈی پی اوقصور

قصور (نمائندہ نوائے وقت )ڈی پی اوقصورطارق عزیز سندھو نے کہا کہ محنتی اور فرض شناس پولیس افسران و اہلکاران محکمہ پولیس کا فخر ہیں، جس طرح سے ڈی ایس پی سٹی یعقوب اعوان اور آفس سپرنٹنڈنٹ نے ایمانداری، فرض شناسی اور لگن سے اپنے فرائض سر انجام دئیے وہ محکمہ کیلئے ایک روشن مثال ہے ان خیالات کا اظہار انہوں نے اپنے آفس میں الوداعی تقریب کے دوران کیا۔ اس موقع پرایس پی انویسٹی گیشن عبدالقیوم گوندل، ریٹائرڈ ایس پی اویس ملک، ڈی ایس پی سٹی سیف اللہ، ڈی ایس پی صدر خالد اسلم، ڈی ایس پی لیگل شیخ فیاض احمد،انچارج برانچزدفتر ڈی پی او اوردیگر پولیس افسر موجود تھے۔ ڈی پی اوقصور نے مزید کہا کہ قصورپولیس کیلئے ڈی ایس پی یعقوب اعوان کی خدمات کو ہمیشہ سراہا جائے گا۔ علاوہ ازےں ڈی پی او قصورطارق عزیز سندھو نے آئی جی پنجاب کے احکامات کی روشنی میں شہداءپولیس کے اہل خانہ اور بچوں کیساتھ سے ملاقات کی اور بچوں کی تعلیم و تربیت کے متعلق دریافت کیا۔