لاہور(سپورٹس رپورٹر) پاکستان سپر لیگ کے موقع پر کھیلے گئے پہلے ویمنز لیگ نمائشی میچ میں سپر ویمن نے ایمازونز کو 8 وکٹوں سے شکست دے دی۔نمائشی میچ میں ایمازونز کی کپتان بسمہ معروف نے ٹاس جیت کر پہلے کھیلنے کا فیصلہ کیا۔ ایمازونز نے عالیہ ریاض کی شاندار بیٹنگ کی بدولت 9 وکٹوں کے نقصان پر 132 رنز بنائے۔عالیہ ریاض نے 38‘ٹیمی بیومائونٹ 24‘ڈینی ویاٹ 22‘کپتان بسمہ معروف ایک ‘مایا بائوچیئر18‘ٹیس فلنٹوف دو‘گل فروزہ چھ ‘فاطمہ ثناء تیرہ ‘فاطمہ خان دو‘نشرح سندھوصفر انعم امین ایک رن تک محدود رہیں ۔ ندا ڈار نے 3 اور طوبیٰ حسن نے 2 کھلاڑیوں کو آؤٹ کیا۔133رنزکا ہدف سپرویمن نے 16ویں اوورز میں 2 وکٹوں کے نقصان پر حاصل کرلیا۔ لورا ولوارڈ نے 53 رنزکی ناقابل شکست اننگزکھیلی، منیبہ علی 33 اور چماری اتاپاتو نے 23 رنز بنائے۔نداڈار 23 رنزبناکرناقابل شکست رہیں اور انہیں شاندار بیٹنگ و بائولنگ پر پلیئر آف دی میچ قرار دیا گیا۔انعم امین اور نشرح سندھو نے ایک ایک وکٹ حاصل کی۔خواتین کرکٹ ٹیموں کے درمیان دوسرا میچ کل اور تیسرا میچ 11 مارچ کو راولپنڈی میں کھیلا جائیگا۔