مسجد الحرام میں الیکڑانک وہیل چیئرز ایپ کے ذریعے بک کرانے کی سہولت 

ریاض (این این آئی )سعودی عرب کی حرمین شریفین انتظامیہ نے معذور اور معمر زائرین کی آسانی کے لیے9 ہزار سے زیادہ الیکڑانک وہیل چیئرز فراہم کردی ہیں ۔میڈیارپورٹس کے مطابق حرمین شریفین انتظامیہ نے اپنے ایک بیان میں کہا کہ طواف اور سعی کے لیے معذوراور معمر زائرین کے لیے الیکڑانک وہیل چیئرزکی سہولت ہے۔انتظامیہ کا مزید کہنا تھا کہ مسجد الحرام آنے سے قبل مخصوص ایپ تنقلکے ذریعے الیکڑانک وہیل چیئر بک کرائی جا سکتی ہے۔واضح رہے کہ بیمار، معمر اور معذورعمرہ زائرین کی سہولت کے لیے وہیل چیئر بک کرنے کی سہولت فراہم کی گئی ہے۔ایپ کے ذریعے وہیل چیئر حاصل کرنے والا شخص طے شدہ وقت پر وہیل چیئر کسی دشواری کے بغیر حاصل کر سکتا ہے۔ایپ میں بکنگ منسوخ کرانے کی سہولت بھی فراہم کی گئی ہے۔ اگر کوئی کسی مجبوری کی وجہ سے وقت مقررہ پر نہ آ سکے تو وہ اسے کینسل کرا سکتا ہے۔