لاہور: پاکستان مسلم لیگ (ن) کی چیف آرگنائزر مریم نواز نے استفسار کیا ہے کیا ضمانت ہے کہ عمران خان الیکشن جیت کر اسمبلی نہیں توڑیں گے؟ عمران خان کا صبح کا فیصلہ اور دوپہرکا اور، شام کا کچھ اور ہوتا ہے۔انہوں نے پنجاب میں ڈسٹرکٹ یوتھ کوآرڈینیٹرز کی تقریب سے خطاب کرتے ہوئے کہا نوجوانوں کو سوچنا چاہیے کہ صرف سڑکوں پر ڈنڈے نہیں کھانے. اس شخص کا گھر کوئی اور چلاتا ہے، یہ توشہ خانہ سے تحفے چراتا ہے۔ مسلم لیگ ن کی چیف آرگنائزر و سینئر نائب صدر مریم نواز نے کہا ہے کہ نوجوان نسل ہی ملک کی قسمت بدلنے میں اپنا کردار ادا کر سکتی ہے. عمران قوم کے بچوں کو کہتا ہے سڑکوں پر مار کھاؤ. کل ایک کارکن جاں بحق ہوا کون ذمہ دار ہے؟
مریم نواز نے ن لیگ کے نئے کوارڈنیٹرز کی تعیناتی پر انہیں مبارکباد پیش کرتے ہوئے کہا پاکستان کی نوجوان نسل ملک کی تقدیر بدل سکتی ہے، اگر کسی جماعت کے پاس کوئی پلان تو وہ صرف مسلم لیگ ن ہے۔انہوں نے کہا کہ نوجوانوں کو لون اسکیمز اور وظائف ن لیگ کی حکومت میں ملے، امید ہے کوارڈنیٹرز اپنی ذمہ داری احسن طریقے سے نبھائیں گے، انفارمیشن ٹیکنالوجی کا زمانہ ہے ہمارے پاس ورک فورس ہے، ہمیں ٹیکنالوجی کو ورک فورس میں تبدیل کرنے کی ضرورت ہے، ملک کو اس وقت ایک سمت کی ضرور ہے۔مریم نواز نے کہا کل عمران خان کارکنوں کو آگے کر کے خود گھر میں چھپے رہے.عمران خان کے اپنے بچے لندن میں محفوظ ہیں. نوازشریف نے کارکنوں کو کبھی شیلڈ نہیں بنایا، عمران خان واحد لیڈر ہے. جس نے کارکنوں کو ڈھال بنایا. یہ شیر اور گیڈر میں فرق ہے. عمران خان کارکنوں کو اپنی حفاظت کیلئے بلاتے رہے. عمران خان نوجوانوں کے ساتھ مذاق کررہے ہیں۔
انہوں نے کہا نوازشریف لندن سے آئے تو کارکنوں کو تو آگے نہیں کیا.نوازشریف نے بیمار اہلیہ کو لندن میں چھوڑ کر گرفتاری دی، نوازشریف نے آئی ایم ایف پروگرام کو پورا کیا لیکن مہنگائی نہیں ہونے دی.عمران خان قوم کے سب سے بڑے مجرم ہیں. انصاف اور اہل قیادت کے بغیر ملک آگے نہیں جا سکتا. عمران خان کو ہر قسم کا انتشار پھیلانے کی چھوٹ دی گئی ہے. عمران خان نے پرویز الہٰی پر پریشر ڈال کر زبردستی اسمبلی تڑوا دی، عمران خان کے پاس فیصلہ کرنے کی قوت نہیں ہے.قومی اسمبلی چھوڑ دی اور آج اسی اسمبلی میں جانے کیلئے منتیں کررہے ہیں۔ن لیگ کے قائد میاں نواز شریف کی صاحبزادی مریم نواز نے خطاب کرتے ہوئے کہا عمران خان نے جاں بحق کارکن کے بزرگ والد کو تعزیت کیلئے زمان پارک بلایا. اس شخص نے چار سال میں صرف پیسے جمع کیے اور کچھ نہیں کیا، پرویز الہیٰ اسٹیک ہولڈر تھے انہیں اسمبلی ٹوٹنے کا پتہ ہی نہیں تھا. عمران خان نے نوجوانوں اور اپنے کارکنوں سے جھوٹ بولا، جب ضمنی الیکشن ہوئے تویہ شخص تمام سیٹوں سے کھڑا ہوگیا. اس شخص نے پراپرٹی ٹائیکون کی جیب میں پیسے ڈالے. کل تحریک انصاف کی لاہور میں ہونےوالی ریلی ناکام رہی۔مریم نواز نے کہا نوازشریف عدالت میں 5،5 دن پیش ہوتا تھا.پولیس گرفتار کرنے آتی ہے تو عمران خان گھر میں چھپ جاتا ہے. کہتا ہے کہ پولیس کو لکھ کر دے دو میں موجود نہیں ہوں. عمران خان بیماریوں کے پیچھے چھپ رہے ہیں.عدالت نے بلایا تو کہتا ہے جان کو خطرہ ہے مگر ریلی میں جانا ضروری ہے۔ انہوں نے کہا میں پوچھتی ہوں کہ عدالت جانے میں جان کا خطرہ ہوتا ہے یا ریلی میں؟ن لیگ کی چیف آرگنائزر مریم نواز نے منعقدہ تقریب سے خطاب کرتے ہوئے کہا عمران خان مجھے نانی کہہ کر پکارتے ہیں، جو خود نواز شریف کی عمر کے ہیں، اچھے فیصلے وقت پر کیے ہوتے تو آج وہ بھی نانا دادا ہوتے۔
انہوں نے کہا کہ پراپرٹی ٹائیکون کی جیب میں پیسے ڈالے گئے، جنرل پاشا، جنرل ظہیرالاسلام کی بیساکھیاں گئیں تب سے عقل ٹھکانے نہیں آ رہی، کیا نوجوانوں کے فیصلے چلیں گے یا بیساکھیوں کے. پہلے ترازو کے پلڑے برابر ہوں گے، جس ملک میں انصاف نہیں ہو گا اس ملک میں ترقی نہیں ہو سکتی، جو لوگ اس کا ساتھ دیتے ہیں. ان کی عقل پر حیران ہوں. کھلے عام بینچ فکسنگ ہو رہی ہے۔مریم نواز نے مزید کہا کہ ٹیریان کو جمائما خان اون کرتی ہیں یہ شخص اون نہیں کرتا. یہ اپنی بیٹی کا مجرم ہے، مجھے نانی کہہ کر بلاتا ہے مجھے فخر ہے. کاش آپ نے بچی کو تسلیم کیا ہوتا تو آپ بھی نانا، دادا ہوتے. آپ نے اپنی بیٹی بارے قوم سے جھوٹ بولا، عدالت سے بھاگ رہا ہے، جواب تو دینا پڑے گا، بار بارعدالت بلا رہی ہے حاضر ہو جاؤ. نواز شریف بیٹی کے ساتھ ہفتے میں پانچ دن پیش ہوتا تھا، تمہیں کوئی سرخاب کے پر نہیں لگے۔انہوں نے کہا کہ کل ان کی ریلی اس لیےناکام ہوئی بندے اکٹھے نہیں ہوئے. بہت بری بات ہے سیاسی کارکنوں پر تشدد نہیں ہونا چاہیے. کیا یہ سیاسی کارکن ہیں جنہوں نے پولیس والوں کو زخمی کیا. پولیس والوں کی گاڑیوں پر ڈنڈے مارے گئے۔مریم نواز نے کہا کہ توشہ خانہ میں صرف چوریاں نہیں کیں ان کوچھپایا بھی ہے. فرح گوگی نے دبئی میں بیچے.راتوں رات فرح گوگی کو فرار کرا دیا گیا. یہ جانتا ہے اس کیس میں مجرم ہے اس لیے عدالت نہیں جا رہا. میری والدہ، شہباز شریف کی بیماری کا بھی مذاق اڑایا گیا۔