لاہور(سپورٹس رپورٹر)چیئرمین پاکستان کرکٹ بورڈ محسن نقوی نے سٹیڈیمز کی اپ گریڈیشن کا پلان طلب کرلیا۔قذافی سٹیڈیم لاہور، نیشنل سٹیڈیم کراچی اور راولپنڈی کرکٹ سٹیڈیم اپ گریڈ ہوں گے۔چیئرمین پی سی بی کی زیر صدارت اجلاس میں نیسپاک کے حکام نے سٹیڈیمز کی اپ گریڈیشن کے حوالے سے بریفنگ دی۔چیئرمین پی سی بی محسن نقوی کا کہنا ہے کہ چیمپئنز ٹرافی سے پہلے تینوں سٹیڈیمز کی اپ گریڈیشن مکمل کی جائیگی۔چیئرمین پاکستان کرکٹ بورڈ محسن نقوی نے 3 روز میں قذافی سٹیڈیم کی اپ گریڈیشن کا حتمی ڈیزائن پلان طلب کرلیا۔ محسن نقوی کا کہنا ہے کہ دوسرے مرحلے میں نیشنل کرکٹ سٹیڈیم کراچی اور راولپنڈی کرکٹ سٹیڈیم کی اپ گریڈیشن کا ڈیزائن پلان تیار کر کے کام کا آغاز کیا جائیگا۔ سٹیڈیمز میں شائقین کے سہولتوں کو بہتر بنایا جائیگا، ضرورت کے مطابق سٹیڈیمز میں نشستوں کا اضافہ کیا جائیگا۔ قذافی سٹیڈیم کے باکسز میں سہولتوں کو بہتر بنایا جائیگا، اپ گریڈیشن کے کام کو معیار اور رفتار کے ساتھ مکمل کرایا جائیگا۔