لاہور(لیڈی رپورٹر) لاہور یونیورسٹی آف بائیولوجیکل اینڈ اپلائیڈ سائنسز نے موسم بہار کے آغاز میں سپورٹس گالا کے تحت مختلف انڈور اور آؤٹڈور کھیلوں کا شاندار انعقاد کروایا جس میں کرکٹ، فٹ بال، باسکٹ بال، والی بال، جیولین تھرو، رسہ کشی، شطرنج،سنوکر اور ٹیبل ٹینس کے نام شامل ہیں۔ طلباء و طالبات کی کثیر تعداد نے بھرپور جوش و خروش کے ساتھ انعقاد شدہ کھیلوں میں حصہ لیا اور اپنی صلاحیتوں کے جوہر دکھائے۔ اس سپورٹس گالا کی افتتاحی تقریب میں ایگزیکٹو ڈائریکٹر پنجاب گروپ آف کالجز اینڈ یونیورسٹیز پروفیسر ڈاکٹر منصور احمدنے بطور مہمان خصوصی شرکت کی اور طلباء اور اساتذہ  کے جوش و خروش کو سراہا۔