خواتین کے عالمی دن :سہیل شوکت نے نمائش کا افتتاح ، سٹالز کا دورہ کیا

لاہور(لیڈی رپورٹر) خواتین کے عالمی دن کی مناسبت سے سوشل ویلفیئر کمپلیکس میں تقریب میں صوبائی وزیر سوشل ویلفیئر سہیل شوکت بٹ نے بطور مہمان خصوصی شرکت کی۔ اس موقع پر سیکرٹری سوشل ویلفیئر ظہورحسین، ڈائریکٹر جنرل مدثر ریاض ملک اور محکمہ کے افسران و ملازمین بھی موجود تھے۔ محکمہ کی جانب سے خواتین کی تیارکردہ اشیاء کی نمائش کی گئی۔ صوبائی وزیر سوشل ویلفیئر نے ربن کاٹ کر نمائش کا افتتاح کیا اور سٹالز کا دورہ کیا۔ اس موقع پر روایتی ملبوسات ، ہینڈ میڈ جیولری پینٹنگز اور دیگر ہاتھ سے بنی اشیاء توجہ کا مرکز بنی رہی۔