راولپنڈی (سٹاف رپورٹر) جناح اقبال سائوتھ ایشئین فورم کے زیر اہتمام غریب اور مستحق خاندانوں میں رمضان راشن کی تقسیم آج 9 مارچ کو ہوگی ۔ اس سلسلے میں فورم کے چیئرمین رانا عبدالباقی نے بتایا کہ یہ تقریب جناح اقبال ایجوکیشن سکول اصغر مال سکیم راولپنڈی میں ہوگی جس کی صدارت  سابق وفاقی سیکریٹری مظفر محمود قریشی کریں گے جبکہ مہمانان خصوصی میں معروف شاعر نسیم سحر ، ممتاز مذہبی سکالر امتیاز احمد اور پروفیسر ڈاکٹر عقیلہ آصف شامل ہیں  انہو ںنے کہا کہ سفید پوش خاندانوں کو حسب سابق رمضان المبارک کے پورے مہینے کیلئے راشن کے تھیلے دئیے جائیں گے ۔