تحریک انصاف نے صدارتی الیکشن کے ووٹرز پر تحفظات کا اظہار کر دیا۔سینیٹر فیصل جاوید نے پارلیمنٹ ہائوس کے باہر میڈیا سے گفتگو کرتے ہوئے کہا کہ صدارتی انتخاب میں آدھے سے زائد ووٹر اہل ہی نہیں ، مخصوص نشستیں جیت کر آنے والے بھی ووٹ کے اہل نہیں۔تحریک انصاف کے سینیٹر علی ظفر نے بھی تحفظات کا اظہار کرتے ہوئے کہا کہ یہ متنازع انتخابات ہیں تاہم احتجاجی ووٹ کاسٹ کرینگے۔انھوں نے کہا کہ مخصوص نشستوں کے حوالے سے لاہور ہائیکورٹ اور سندھ ہائیکورٹ میں کیس فائل ہیں اور پشاورہائیکورٹ کا حکم امتناع موجود ہے۔ الیکشن کمیشن کے فیصلوں کے باعث عام انتخابات اور اب صدارتی انتخابات بھی متنازع ہوئے۔