ملائیشیا کےشہرایپوہ میں کھیلے گئے میچ میں آسٹریلیا ابتدا ہی سے پاکستان پرحاوی رہا۔ فاتح ٹیم کی جانب سے سائمن اورچرڈ اور جیسن ولسن نے دو، دوجبکہ کرسٹو فرکیریلو نے ایک گول کیا ۔پاکستان کی طرف سے واحد گول سہیل عباس نے کیا۔ سائمن اورچرڈ نے تئیس ویں منٹ میں آسٹریلیا کی طرف سے پہلا گول کیا، پانچ منٹ بعد سہیل عباس نے پینلٹی کارنر پرگول کرکے مقابلہ برابر کردیا۔ تاہم پہلے ہاف کے اختتام سےقبل جیسن ولسن نے آسٹریلیا کی برتری دو ایک کردی۔ دوسرے ہاف میں آسٹریلیا نے مزید تین گول کئے اور میچ پانچ ایک کے بڑے مارجن سے جیت لیا۔ تین میچز کے بعد سات پوائنٹس کیساتھ آسٹریلیا نے پہلی پوزیشن حاصل کرلی ہے جبکہ پاکستان نے چار میچ کھیل کر چھ پوائنٹس حاصل کئے ہیں