اسلام آباد(آئی این پی + اے ایف پی) نلترہیلی کاپٹر حادثے میں ہلاک ہونے والے ناروے کے سفیر لیف ہولجر لارسن کی عمر 61 سال جبکہ فلپائن کے سفیر ڈومینگو لوسینا ایو کی عمر 55 سال تھی۔ دونوں سفارتکاری کا وسیع تجربہ رکھتے تھے۔ قبل اسکے وہ ناروے کے خصوصی نمائندہ برائے پاکستان و افغانستان کے طورپر خدمات انجام دیتے رہے جبکہ حادثے میں ہلاک ہونیوالے فلپائن کے سفیر ڈومینگو لوسینا ایو پاکستان میں تعیناتی سے قبل کانگو ‘ ملاوی‘ مڈغاسگر ‘ ماریشس ‘ روانڈا ‘ یوگنڈا‘تنزانیہ و دیگر کئی ممالک میں بطور سفیر خدمات انجام دیتے رہے۔ وہ پیشے کے اعتبار سے وکیل تھے۔ اے ایف پی کے مطابق ناروے کی حکومت نے اپنے سفیر کی حادثے میں ہلاکت پر افسوس کا اظہار کرتے ہوئے تحقیقات کا مطالبہ کیا ہے۔ ناروے کے ترجمان کے مطابق لیف لارسن کا ایک بیٹا ہے۔