رائے پور(آئی این پی) انڈین پریمیئر لیگ کی فرنچائز دہلی ڈیئر ڈیولز کی ٹیم ایک بڑے حادثے سے بچ گئی، لینڈنگ کے دوران دہلی ڈیئر ڈیولز کا طیارہ ایک اور طیارے سے ٹکراتے ٹکراتے رہ گیا۔ دہلی ڈیئر ڈیولز کی ٹیم ممبئی سے رائے پور پہنچی تھی جہاں اسے کولکتہ نائٹ رائیڈر کیخلاف میچ کھیلنا ہے۔ جب ٹیم کا طیارہ رائے پور ایئرپورٹ کے رن وے پر اترا تو وہاں ایک طیارہ پہلے سے موجود تھا۔ ممبئی سے آنیوالی فلائٹ کا انڈیگو طیارہ رن وے سے ابھی ہٹایا نہیں گیا تھا جب دہلی ڈیئر ڈیولز کا طیارہ پر رن ون پر پہنچ گیا تاہم طیارے کے پائلٹ نے دانشمندی سے کام لیتے ہوئے دونوں طیاروں کو ٹکر سے بچا لیا۔
بچ گیا