آسیان ریڈ نے ویرا لائن وائٹ کو ہراکر سیرینا ہوٹلز پولو کپ ٹورنامنٹ جیت لیا

اسلام آباد ( سپورٹس رپورٹر) اسلام آباد کلب پولو گراؤنڈ میں ایک دلچسپ اور سنسنی خیز فائنل میچ میں آسیان ریڈ نے ویرالائن وائٹ کو 6-4 سے شکست دے کرسیرینا ہوٹلز پولو کپ ٹورنامنٹ 2016ء جیت لیا۔ فائنل میچ پر سیرینا ہوٹلز کے چیف ایگزیکٹو عزیز بولانی مہمان خصوصی تھے انہوں نے کھلاڑیوں میں ٹرافی اور تحائف بھی تقسیم کیے۔ فائنل میچ میں تیسرے چکر تک مقابلہ 4-4 گول سے برابر تھا مگر چوتھے چکر میں آسیان ریڈ نے لگاتار دوگول کرکے ٹرافی اپنے نام کرلی۔ فاتح ٹیم کی طرف سے میجر حسیب منہاس نے چار جبکہ بلال ہمایوں اور ارسلان نجیب نے ایک ایک گول کیا۔ریفری کے فرائض کرنل ڈاکٹر ندیم راجا اور میٹائس نے انجام دئیے۔