لاہور (خصوصی رپورٹر) سٹینڈرڈ ماڈل سکول‘ پیر غازی روڈ اچھرہ کی طالبات اور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان شاہراہِ قائداعظم لاہور اور ریلم ہائی سکول سینئر کیمپس جوڈیشنل کالونی جوہر ٹائون کے طلبا و طالبات اور اساتذہ کرام نے ایوانِ قائداعظم -1شاہراہِ نظریۂ پاکستان جوہر ٹائون کا مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹس نے گورنمنٹ گرلز ہائی سکول چوبرجی گارڈنز‘ آر ایس ایل این ووکیشنل انسٹیٹیوٹ پاک گرائمر سکول فار بوائز‘ تاج باغ پل‘گریس فائونڈیشن سکول‘ دبئی چوک‘شاہدرہ‘ گورنمنٹ بوائز پرائمری سکول ونڈالہ دیال شاہ شاہدرہ کا وزٹ کیا۔ مستفید ہونے والے اساتذہ اور طلبہ کی مجموعی تعداد 546 تھی۔