نارتھمپٹن(صباح نیوز) گرانٹ فلاور پاکستانی بیٹنگ میں مزید نکھار لانے کے خواہاں ہیں۔ پاکستانی ٹیم کے بیٹنگ کوچ گرانٹ فلاور نے کہاکہ کھلاڑی انگلش کنڈیشنز سے ہم آہنگ ہورہے ہیں، نارتھمپٹن شائر کیخلاف بیٹسمینوں نے بہتر کارکردگی پیش کی لیکن اس دوران خامیاں بھی نظر آئیں، ٹیسٹ میچز سے قبل ہمیں مزید کام کرنا ہوگا، اسد شفیق کو 2مواقع ملے جس کا انھوں نے بھرپور فائدہ اٹھاتے ہوئے بڑی اننگز کھیلی، باصلاحیت بیٹسمین اچھے ٹمپرامنٹ کے حامل اور ثابت قدم رہنے کی پوری کوشش کرتے ہیں شاداب خان صلاحیتوں کے حامل کھلاڑی ہیںیاسر شاہ کی عدم موجودگی میں ٹیسٹ میچز میں ان کا ٹیم کیلیے اہم کردار ہوگا۔ اگرچہ بولرز نے بعض بڑی متاثر کن گیندیں کیں لیکن ابھی لائن اور لینتھ کو بہتر بنانے کیلیے مزید محنت اور حاضر دماغی سے کام لینے کی ضرورت ہے۔