ملتان ( سٹاف رپورٹر)جرمنی میں آئندہ ماہ ہونے والے شارٹ مووی فیسٹیول میں ہدایتکار اعجاز چندا کی فلم کو منتخب کرلیاگیا ہے۔ اس ضمن میں معلوم ہواہے کہ جرمنی میں ہونے والے اس فلم فیسٹیول میں مختلف ممالک حصہ لے رہے ہیں۔جس میں15منٹ کی مووی دکھائی جائے گی۔ اعجاز چندا کے مطابق پاکستان سے ان کی فلم کو فیسٹیول کے لئے چنا گیا ہے۔ یہ فیسٹیول 21سے25جون تک ہوگا۔ جس میں اعجاز چندا کی فلم’’پیک آف لو‘‘ دکھائی جائے گی۔ اس فلم میں دعا چودھری احمد وقار اور کومل ناز نے کام کیا ہے جبکہ اس فلم کے رائٹر احمد وقار ہیں۔