لاہور(سپورٹس رپورٹر+نمائندہ سپورٹس)جنوبی افریقہ اور پاکستان کی ویمنز ٹیموں کے درمیان دوسرا ایک روزہ بین الاقوامی کرکٹ میچ آج پوٹ چیفسٹروم میں کھیلا جائے گا۔ پاکستان کی ٹیم کو تین ایک روزہ میچوں کی سیریز میں میزبان ٹیم کے خلاف 1-0 کی برتری حاصل ہے۔ گرین شرٹس نے پہلے میچ میں جنوبی افریقہ کی ٹیم کو 8 وکٹوں سے شکست دی تھی۔ پاکستانی ویمنز ٹیم میزبان ٹیم کے خلاف تین ایک روزہ اور پانچ ٹی ٹونٹی بین الاقوامی میچوں کی سیریز کھیلے گی۔ آئی سی سی ویمن چیمپئن شپ کے سلسلے میں پاکستان اور جنوبی افریقہ کی ویمنز ٹیموں کے درمیان دوسرا ایک روزہ میچ 9 مئی کو کھیلا جائے گا جبکہ تیسرا اور آخری میچ 12 مئی کو کھیلا جائے گا۔قومی ویمنز کی کھلاڑی دوسرے میچ میں بھی کامیابی کیلئے پرعزم ہیں ۔ انہوں نے کہا کہ کامیابی کیلئے اچھی کارکردگی کا مظاہرہ کرینگے ۔