ماربیلا(پی پی آئی) سرب ٹینس اسٹار نووک جوکووک نے اسپین میں لاک ڈائون قوانین کو توڑ دیا۔ان کی ایک ویڈیو سامنے آئی جس میں وہ ایک شخص کے ساتھ ٹینس کھیل رہے ہیں، اس کے ساتھ انھوں نے لکھا کہ وہ کلے کورٹ پر دوبارہ کھیل کر کافی خوش ہیں۔ یاد رہے کہ اسپین نے پیر کو لاک ڈائون میں تھوڑی نرمی کی تھی مگر اسپورٹس وینیوز بدستور آئندہ ہفتے تک بند رکھنے کا فیصلہ کیا گیا۔ابھی یہ نہیں معلوم ہوسکا کہ جوکووک کو اس خلاف ورزی پر جرمانے یا پابندی کا سامنا کرنا پڑے گا یا نہیں۔