امیدہےعیدالفطر سے پہلے ریل گاڑیاں بحال ہوجائیں گی:شیخ رشید

ریلوے کے وزیر شیخ رشید احمد نے امید ظاہر کی ہے کہ عیدالفطر سے پہلے ریل گاڑیاں بحال ہوجائیں گی۔ انہوں نے آج لاہور میں ایک نیوز کانفرنس سے خطاب کرتے ہوئے کہاکہ ریلوے آپریشن کی بحالی کی تجویز ایک دو روز میں دوبارہ وفاقی حکومت کوبھیجی جائے گی کیونکہ لوگوں کو ٹرانسپورٹ کے شدید مسائل درپیش ہیں۔ریلوے کے وزیر نے کہا کہ کورونا کی صورتحال کے باعث پاکستان ریلوے کو گزشتہ ماہ کے دوران تقریباً پانچ ارب روپے کا نقصان ہوا۔وفاقی وزیر نے ایک سوال کے جواب میں کہا کہ وزیراعظم عمران خان چینی سیکنڈل میں ملوث عناصرکے خلاف کارروائی کریں گے۔