لاہور (سپورٹس رپورٹر) اسرائیلی سکیورٹی فورسز کی جانب سے مسجد اقصیٰ پر حملے پر سابق کرکٹر شاہد آفریدی کا ردعمل بھی سامنے آ گیا۔ ٹوئٹر پر انہوں نے کہا کہ ادھر مسجد اقصیٰ کی دیواریں‘ فرش فلسطینیوں کے خون سے اور ادھر میری آنکھیں بے بسی کے آنسوؤں سے سرخ ہیں۔ ان کا کہنا تھا کہ عالمی ضمیر بے حسی کی چادر میں لپٹا سو رہا ہے۔ شاید مسلمانوں کا لہو اس قدر بے توقیر ہے کہ اس پر نہ کوئی آواز اٹھے گی اور نہ مہم چلے گی۔ قبلہ اول، ہم تیری تقدیس کا قرض اتارنے سے قاصر ہیں۔