اسلام آباد(اپنے سٹاف رپورٹر سے)چوری ، ڈکیتی اور سٹریٹ کرائم کی وارداتوں میں شہریوں کو نقدی ، طلائی زیورات، دو گاڑیوں اور پانچ موٹر سائیکلوں سمیت قیمتی اشیاء سے محروم کر دیا گیا تھانہ گولڑہ کو سمیر عنایت نے بتایا کہ G 10/4 میں  میرے گھر میں مسلح ڈاکو داخل ہوئے اور نقدی، طلائی زیورات، موبائل فون مالیتی 49لاکھ روپے چھین کر فرار ہوگئے تھانہ آئی نائن کو عروج اسلم نے بتایا کہ مجھ سے موٹر سائیکل سوار ہینڈ بیگ چھین کر فرار ہوگئے جس میںطلائی زیورات اور موبائل فون مالیتی 3لاکھ روپے تھے تھانہ کوہسار کو محمد سعید نے بتایا کہ بلیو ایریا میں دو افراد مجھ سے موبائل فون مالیتی ایک لاکھ 80ہزار روپے چھین کر لے گئے تھانہ کراچی کمپنی کو زاہد نے بتایا کہ دو افراد نے مجھ سے دو موبائل فون چھین لئے ،تھانہ کراچی کمپنی کو محمد آفاق نے بتایا کہ ابن سینا روڈ پردو ملزمان مجھ سے ساڑھے تین لاکھ روپے مالیتی نقدی اور موبائل فون چھین کر فرار ہوگئے۔