نیوکراچی، اعتکاف میں بیٹھا شخص مسجد کی بالکونی سے گر کر جاں بحق

کراچی (نیوزرپورٹر) شہر قائد میں مختلف حادثات و واقعات میںتین افراد  ہلاک جبکہ ایک  زخمی ہوگیا۔ تفصیلات کے مطابق یونیورسٹی روڈ پر دوران ڈیوٹی سٹی وارڈن ٹریفک حادثے میں شہید ہوگیا۔ متوفی نوید اقبال ایمپلائی نمبر سی ڈبلیو 1497وفاقی اردو یونیورسٹی کے قریب خدمات انجام دے رہا تھاکہ  نامعلوم گاڑی کی ٹکر سے شدید زخمی ہوگیاتاہم اسپتال لیجاتے ہوئے 35برس کے زخمی سٹی وارڈن نوید اقبال نے دم توڑ دیا ۔ایک اور واقعہ میں نیو کراچی ساڑھے پانچ نمبر پر خضرامسجد میں اعتکاف میں بیٹھا ایک شخص مسجد کی بالکونی سے گر کر ہلاک ہوگیا ۔ مرحوم کی شناخت ایازولد نامعلوم عمر32سال بتائی جاتی ہے ۔ ہلاک ہونے والے شخص کو چھیپا ایمبولینس کے ذریعے عباسی ہسپتال منتقل کیاگیا۔ادھر  اورنگی ٹاؤن 12نمبرمچھلی مارکیٹ کے قریب گھرمیں صبازوجہ محمدعلی عمر35سال نے خود کو پھندا لگاکر خود کشی کر لی۔ ہلاک ہونے والی خا تون کوچھیپا ایمبولینس کے ذریعے عباسی ہسپتال منتقل کیاگیا۔ شاہ لطیف ٹاؤن سیکٹر 17-A کے قریب فائرنگ سے ایک شخص اسامہ شاہ ولد عطا اللہ عمر22سال زخمی ہوگیا۔ زخمی ہونے والے شخص کوچھیپا ایمبولینس کے ذریعے جنا ح ہسپتال منتقل کیاجارہا ہے۔