ہوانا، ہوٹل میں دھماکہ سے ہلاکتوں کی تعداد 30 ہوگئی

ہوانا کے ہوٹل میں جمعہ کو ہونے والے دھماکہ سے اتوار تک مرنے والوں کی تعداد 30 ہوگئی ہے، جبکہ جائے وقوع پر امدادی کام اب بھی جاری ہے۔ وزارت صحت عامہ نے بتایا ہے کہ 84 افراد زخمی بھی ہوئے ہیں جن میں 19 بالغ اور 5 بچے اسپتال میں داخل ہیں۔جمعہ کی سہ پہر تقریبا 10 ہزار لیٹر مائع گیس سے بھرا ٹینکر ٹرک پھٹ گیا جس سے ہوٹل کو شدید نقصان پہنچا تھا۔ امدادی کارکن زندہ بچ جانے والوں اور لاشوں کی تلاش جاری رکھے ہوئے ہیں۔کیوبا کی نیشنل کیپیٹل عمارت کے سامنے واقع یہ فائیو اسٹار ہوٹل سیاحت کی بحالی کے لئے ملک کی کوششوں کے ضمن میں منگل سے دوبارہ کھلنے کی تیاری کر رہا تھا۔