محکمہ اوقاف لاہور کا اہم اجلاس‘ افسروں کی اگلے گریڈز میںترقیاں

لاہور(خصوصی نامہ نگار)سیکرٹری /چیف ایڈ منسٹریٹراوقاف پنجاب ڈاکٹر طاہر رضا بخاری کی زیر صدارت اوقاف افسران کی ترقی کےلئے محکمانہ ترقی کمیٹی اوّل کا اجلاس منعقد ہواجس میں داتا دربار ہسپتال کی ڈاکٹر تحریم سلیمان کو سکیل 18 سے سکیل19، ڈاکٹر رمیضہ جاویداور ڈاکٹر مبشرہ زمان کو سکیل18،شعبہ ڈائریکٹوریٹ مذہبی امور کے عملہ مساجد میں مولانا مختار احمد ندیم کو زونل خطیب سکیل18 سے بطور صوبائی خطیب سکیل19 اور مفتی محمد کریم خان، مولانا عمران انور نظامی، مولانا بشیر احمد فاروقی، مولانا ارشد نیاز اور مولانا محمد یوسف کھوسہ ضلعی خطیب سکیل 17 کو بطورزونل خطیب سکیل18 میں ترقی دی گئی۔ اس موقع پر ایڈیشنل سیکرٹری اوقاف ڈاکٹر احمد افنان، ڈائریکٹر جنرل مذہبی امور آصف علی فرخ،ڈائریکٹر ایڈ منسٹریشن اوقاف عامر علی چشتی اور محکمہ کے دیگر افسران بھی موجود تھے۔